YOU TOO “ ငြိမ်းစိုးဦး”

ဆင်ကွက်ကို မြင်လို့ သမင်လည်ပြန်မှ ရှေ့ကိုဆက်တဲ့အခါ
မြင်းခုန်ကွက် နဲ့ ထွက်ခဲ့ပေမယ့် နယ်ကို ချန်ခဲ့ရတယ်
မင်း လိုပဲ ငါ
ငါ့ လိုပဲ မင်း
သတင်းတွေ နူးညံ့ဖို့ ကိုယ်ချင်းစာခဲ့ကြတဲ့ ဂီတ
အမှိုက် က စ ပြာသာဒ်ထိ မီးမလောင်ဖို့ မီးသတိပြု ဆိုင်းဘုတ်
ပျားရည် တစ်စက်နဲ့ ပြည်မပျက်စေဖို့ ချထာတဲ့ slow down
ကဗျာ သေတဲ့ ကိစ္စ ကို ကဗျာရေးရတဲ့ အကြောင်း
မြေနုကျွန်းအတွက် တိုက်စားခံရတဲ့ ကုန်းပြင်မြင့်
free fall & bungee jumping ရဲ့ သင်ခန်းစာ ပြင်ဆင်မှု
လေးစားအပ်သော အလုပ်မှန်သမျှမှာ ဖြတ်လမ်းမရှိပါ ။

မောင်ထင် ရဲ့ ငဘ ကို ဘာသာအမျိုးမျိုးသို့ ပြန်ဆိုခဲ့ကြပါတယ်
အကျအပေါက် များခဲ့တဲ့ ဘ၀
ခဏခဏ သတ်ပုံပြင်ရတဲ့ ရည်မှန်းချက်
ဖိတ်တစ်ဝက် စင်တစ်ဝက်နဲ့ မင်ကျမင်န မကောင်းသော နေထိုင်မှု
ညံ့ခဲ့တဲ့ အရေးသုံးပါးမှာ ပ၀ါကို ကြိုးဝိုင်းပေါ် မတင်ခဲ့ပါဘူး
အသက်အရွယ်အရ တစ်ကိုယ်ကောင်းဆန်ခွင့် မလိုပါဘူး
U 2 ဟာ Walk 0n သီချင်းကို ဆက်လက်ဆိုနေခဲ့ပါတယ်
မင်း နဲ့ ငါ ဆိုဖို့
အမှန်ကို လိုပါက အမှားကို ရှာပြီး ပြင်ဖို့ လိုတဲ့ အကြောင်း ...   ... ။

ငြိမ်းစိုးဦး
( 14 ; JAN : 2011 )

Posted in: ကဗျာ