ည ... ညလန့်နိုး
မျှော်ကိုးလှမ်းပြီး
သမီးရေ … သမီးရေ
သမီးရေလို့
ခေါ်နေသံများ …
ကြားလေမလား
ေ၀၀ါးတွေးထင်
… သောကရှင်သန်
ပြန်အိပ်မရ စိတ္တဇညတွေ
လတွေနှစ်တွေ
ရှည်ရင်းရှည်
……။
ကစဉ့်ကလျား
အိမ်မက်များစွာ
ခြောက်ခြားစွာပေါ့
လွမ်းတာပေါ့ကွယ်
ရင်ဝယ်လောင်မြိုက်
… ကျိုက်ကျိုက်လှိုက်ဆူ
အပူငြိမ်းစေ မတတ်နိုင်လေ
မျက်ရည်အိုင်ထွန်း
… ပါးမှာစွန်းထင်
ချွေခွန်းနှုတ်ဟ
… ပြောပြနေဖို့လိုမလား … ။
တကယ့်ကိုဝေး
ဒီအဝေးမှာ
ဖေးကူကြင်နာ ဖေါ်မပါလည်း
တစ်ယောက်တည်းပေါ့
အံခဲမာန်တင်း
ရှေ့ဆက်ရင်းလေ
မျက်ရည်ကြွေ ။ ။
မိုးမိုး
ရွှေမော်ကွန်းမဂ္ဂဇင်း
အမှတ် (၂၉ )
၉၉၊ နိုဝင်ဘာ
0 comments:
Post a Comment