မြန်မာတို့ရဲ့
ရိုးရာယဉ်ကျေးမှု ဒါမှမဟုတ် မြန်မာတို့ရဲ့ ဓလေ့ထုံးစံ၊ မြန်မာမှုနယ်ပယ်ထဲမှာ စွဲစွဲ
မြဲမြဲ နေရာယူထားကြတဲ့ မိရိုးဖလာ အခမ်းအနားတွေ အများကြီးရှိနေပါတယ် ။
ဥပမာ မောင်ဖြူနှင့် မောင်မဲ အမှုဖြစ်ပွားရာမှာ လက်ဖက်ကိုစားပြီး
အမှုပြတ်ကြသည်ဟူသော ဓမ္မသတ် အခမ်းအနားကို တွေ့ရပါတယ်။ ဘာကြောင့် လက်ဖက်ကိုမှ စားရပါသလဲ။
တစ်ခြားသော မုန့်တစ်ခုခုကို စားလို့မဖြစ်ဘူးလား၊ လက်ဖက်စားပြီး အမှုပြတ်ကြတဲ့ ဓလေ့ထုံးစံ
ဘယ်ကာလက စတင်ပေါ်ပေါက် လာပါသလဲ။ လက်ဖက်ကို စားပြီးမှ
အမှူပြတ်ရမယ်လို့ ဘာကြောင့် လက်ဖက်ကိုမှ ရွေးချယ်သတ်မှတ် ရပါသလဲ ဆိုတဲ့ အကြောင်းရင်း
ဗျုပ္ပါဒ်ကို ရှာဖွေလေ့လာဖို့ လိုလာပါတယ်။
အစဉ်အလာက လုပ်လာကြတဲ့ ရိုးရာဓလေ့ ယဉ်ကျေးမှုရဲ့ လုပ်ရိုးလုပ်စဉ်ရှိလို့
လုပ်ဆောင်နေကြတာပဲလို့ ယူဆပါလျှင် ယူဆသူအတွက် ညံ့ဖျင်းရာ ရောက်သွားလိမ့်မယ်ထင်ပါတယ်။
အကြောင်းသင့်လို့ ဒီနေရာမှာ ကျွန်မမိတ်ဆွေ နိုင်ငံခြားသူတစ်ဦးရဲ့ အတုယူလောက်တဲ့ လေ့လာစူးစမ်းချက်ကို
ပြောချင်ပါတယ်။ သူက အရှေ့ဂျာမဏီသူ ဒေါက်တာ `အယ်နီမာရီအက်ရှဲလ်` မြန်မာအမည် ဒေါ်နှင်းဆီ
လို့ ခေါ်တဲ့ အမျိုးအသမီးပါ။ မြန်မာနိုင်ငံကိုလာပြီး မြန်မာတို့ရဲ့ ရိုးရာယဉ်ကျေးမှု
ဓလေ့အထွေထွေကို အများကြီး လေ့လာသွားပြီး နိုင်ငံခြားမဂ္ဂဇင်းတွေမှာ ဆောင်းပါးတွေ ရေးပါတယ်။
မန္တလေးမြို့က ရွှေကျောင်းကြီးကို ဓာတ်ပုံ စုံစုံလင်လင်နှင့် စာတစ်အုပ်ထုတ်ပါတယ်။
မြန်မာနိုင်ငံမှာ သူရှိနေတုန်းကျွန်မနဲ့ အများဆုံးတွေ့ဆုံသွားပါတယ်။
မြန်မာ့စောင်းကောက်မှာရှိတဲ့ “ နတ်သမီးပေါက်”ဆိုတာ ဘာကြောင့် နတ်သမီးပေါက်ခေါ်တာလဲ၊
ရှင်ဥပဂုတ္တ ပုံတော်က သပိတ်ထဲကို ဘာဖြစ်လို့ လက်နှိုက်ထားတာလဲ။ ဒိက္ခိဏသာခါ ပုံတော်ရဲ့
ဦးခေါင်းတော်မှာ ကြာရွက်ကို ဘာကြောင့် ဆောင်းထားလဲ၊ ဘုရားစေတီတော်တွေမှာ တံခွန်တိုင်
တွေထားတာ ဘယ်လို အဓိပ္ပါယ်လဲ၊ ဘယ်ခေတ်ကစပြီး ထားခဲ့တာလည်း ဆိုတဲ့ မြန်မာ့ယဉ်ကျေးမှုထဲမှာ
အကြုံးဝင်နေတဲ့ ဓလေ့ထုံးတမ်းတွေကို မေးပါတယ်။
သူ့မေးခွန်းတွေထဲမှာ မြန်မာဘုရင်တွေရဲ့ အခမ်းအနားမှာ မပါမဖြစ်တဲ့
` ဟင်္သာရုပ်ကွမ်းအုပ်` အကြောင်းပါလာပါတယ်။ ဒီကွမ်းအုပ်မှာ ဟင်္သာရုပ်ကိုမှ ဘာကြောင့်ထုလုပ်ထားရသလဲ၊
မြန်မာတို့ အလေးအမြတ်ပြုထားတဲ့ ဒေါင်းငှက်၊ ကရ၀ိတ်ငှက် တို့ကို ဘာဖြစ်လို့ မထုလုပ်တာလဲဆိုတာ
ကိုမေးပါတယ်။ သူက အင်မတန်မှ အမြင်စူးပါတယ်။ သူရန်ကုန်မှာ ရှိနေခိုက် မြန်မာရှင်ပြုမင်္ဂလာ၊
လက်ထပ်မင်္ဂလာ၊ မွေးနေ့မင်္ဂလာတွေကျင်းပပုံကို တွေ့ချင်ပါတယ်ဆိုလို့ ဒေါ်ဒဂုန်ခင်ခင်လေး မွေးနေ့နဲ့ ကော့ကရိတ် စုစုလှိုင်(စာရေးဆရာမ)
မင်္ဂလာပွဲကို လိုက်ပို့ရပါတယ်။ ရှင်ပြုမင်္ဂလာက ရွှေတိဂုံဘုရားကြီးကို လာကန်တော့ကြတဲ့ အခမ်းအနားကို
သူ အားရပါးရ ကြည့်သွားရပါတယ်။
ဒီတော့ သူရောက်ရှိနေတဲ့ အဲဒီအခမ်းအနားတွေမှာ အလှအပ ခမ်းခမ်းနားနား
ပစ္စည်းတစ်ခုအနေနဲ့ မပါလျှင်မပြီး အမြဲပါတတ်တဲ့ ` ဟင်္သာရုပ် ကွမ်းအုပ် `ကို သူအမြင်စူးပြီး
ကျွန်မကို ဗျုးတော့တာပါပဲ။ သူဗျုးပုံက “ မြန်မာတို့ အထူးအမြတ်ထားတဲ့ ဒီလိုမင်္ဂလာအခမ်းအနားတွေမှာ
ဟင်္သာရုပ် ရွှေကွမ်းအုပ်ကို ဘာဖြစ်လို့ ထားကြတာလဲ” ဆိုတာပါပဲ။ ရှေးစာတွေမှာတော့ “ ရွှေဟင်္သာရုပ်”
လို့ရေးပါတယ်။ အထဲမှာ ကွမ်းစားစရာအစုံကို ထည့်ထားပါတယ်။ ကျောက်စီရွှေကလပ်မှာ ဟင်္သာရုပ်ပုံပါတဲ့
ရွှေသားအုပ်ဖြစ်ပါတယ်။ လည်ရစ်သုံးတန့်၊ ရွှေအုပ်နှင့် တောင်ပံမှာ ကျောက်မြတ်ရတနာ အစုံကို
စီချယ်ထားပါတယ်။ ကွမ်းအစုံထည့်ဖို့ ရွှေသားအံ တစ်ခုကို ဟင်္သာရုပ် ၀မ်းဗိုက်ထဲမှာ ထုတ်သွင်းနိုင်အောင်
မွမ်းမံထားပေးပါတယ်။ ရှေးစာတွေမှာ ရွှေဟင်္သာကွမ်းအုပ်ကို “ ဇမ္ဇူသိင်္ဂါ၊ မြတ်စီမြွာသား၊
ဟင်္သာရုပ်ကျော်၊ ကွမ်းအုပ်တော်နှင့် ” လို့ စပ်ဆိုညွန်းပါတယ်။ ဒီတောပ ဒေါ်နှင်းဆီသိချင်တာကို
ကျွန်မ ဒီလိုပြောဆိုရှင်းလင်းလိုက်ပါတယ်။
ဗုဒ္ဓမပွင့်မီကာလ၊ တစ်ခုသောစိတ္တကုဋ်တောင်မှာ အားခွန်ဗလ ကြီးမားတဲ့
ရွှေရောင်အဆင်းလဲရှိတဲ့ ဟင်္သာငှက်မင်းကြီးဆိုတာရှိပါတယ်။ ဟင်္သာအခြံအရံတွေ အများကြီးရှိတဲ့အပြင်
ရွှေဟင်္သာမင်းကို အင်မတန် ချစ်ကြည်ညိုတဲ့ သုမုခ လို့ခေါ်တဲ့ ဟင်္သာစစ်သူကြီးဆိုတာလဲ ရှိပါတယ်။
တစ်နေ့တော့ ရွှေဟင်္သာမင်းနဲ့ အခြံအရံအားလုံး စားသောက်နေကြဖြစ်တဲ့ ရေကန်ကြီးထဲက သစ်သီးတွေကို
လာစားကြရင်း ရွှေဟင်္သာမင်း မုဆိုးထောင်ထားတဲ့ ညွှတ်ကွင်းမှာ မိသွားတယ်။ ဟင်္သာအားလုံး လန့်ပျံသွားတော့
သုမုခ ဟင်္သာဘဲကျန်ခဲ့တယ်။ ဒီတော့ ရွှေဟင်္သာမင်းကပြောတယ်။ “ သုမုခ သူများတွေ သေဘေးကိုကြေက်လို့
ပြေးကုန်ပြီ မင်းလဲပြေးတော့ ”
သုမုခက ဘာမှပြန်မပြောပဲနေတော့ နောက်တစ်ကြိမ်ထပ်ပြီး ရွှေဟင်္သာမင်းက
ပြောပြန်တယ်။ “ သုမုခ သေဘေးနီးနေပြီ ဖြစ်တဲ့ ငါ့အနားမှာနေလို့ အကျိုးမရှိဘူး။ ငါ့ဆွေမျိုးတွေရော
မိတ်ဆွေတွေပါ ငါ့ကို အားလုံးစွတ့်ပစ်သွားကြပြီ၊ မင်းလည်းသွားတော့” ဒီတော့ သုမုခက ပြောတယ်၊ “ခုလောက် ဒုက္ခဆင်းရဲတွေ့တာနဲ့
အရှင့်ကို ပစ်မပြေးနိုင်ဘူး။ အရှင်သေလျှင် ကျွန်တော်သေတာနဲ့ အတူတူပါပဲ။ သေခြင်းရှင်ခြင်းမှာ
အရှင်နဲ့ ကျွန်တော် အတူတူဖြစ်ပါရစေ” ။
ဒီတော့ လှံကိုင်ထားတဲ့ ငှက်မုဆိုးရောက်လာတော့ ရွှေဟင်္သာမင်းကိုမေးတယ်။
“ ဟင်္သာမင်း ကျုပ်ထောင်ထားတဲ့ ကျော့ကွင်းကို ဘာဖြစ်လို့ မမြင်တာလဲ”
“ အဆွေ မုဆိုး ပျက်စီးချိန်ရောက်လာတဲ့ သတ္တ၀ါတိုင်း မိမိအန္တရယ်ကို
မမြင်တတ်ကြဘူး”
လို့ ဟင်္သာမင်းက ပြောတော့ မုဆိုးက သုမုခ ဟင်္သာကို ဆက်မေးပြန်တယ်။
ဒီတော့ သုမုခ ဟင်္သာက မုဆိုးကို ပြန်ပြောတယ်။
“ အဆွေမုဆိုး၊ ကျော့ကွင်းမိနေတဲ့ ဟင်္သာမင်းဟာ ဟင်္သာကိုးသောင်းရဲ့
အရှင်အရှင်မင်းကြီး ဖြစ်ပါတယ်။ ပညာဥာဏ်ကြီးမားပြီး လက်အောက်ငယ်သားတွေကို မင်းကျင့်တရားနဲ့အညီ
အုပ်ချုပ်သူဖြစ်ပါတယ်။ ဒီလိုပုဂ္ဂိုလ်ကို သတ်မယ်ဆိုရင် အဆွေအပြစ်ကြီးပါလိမ့်မယ်။ သတ်လိုတာဖြင့်
ငါ့ကိုသတ်ပါ၊ ငါ့အရှင်ကိုလွတ်ပေးပါ၊ အတောင်ကို လိုက ငါ့အတောင်ကိုယူပါ၊ အရိုးကို လိုက
ငါ့အရိုးကိုယူပါ”
မုဆိုးက သိပ်အံသြသွားတယ်၊ တိရစ္ဆာန်ဖြစ်ပေမယ့် စိတ်ထားမြင့်မြတ်လှတယ်၊
ကိုယ့်အရှင်အခင်အတွက် အသက်စွန့်လွှတ်ဝံ့ပါပေတယ်၊ အဆွေခင်ပွန်း ပီသပါပေတယ် လို့ အောက်မေ့ပြီး
လက်ထဲကိုင်ထားတဲ့ လှံတံကိုင် လွင့်ပစ်လိုက်ပြီး ဘယ်လိုပြောသလဲဆိုတော့ ……
“ အဆွေတို့နှစ်ဦး လွတ်ရာကို သွားကြပေတော့”
ဆိုပြီး ကျော့ကွင်းကို
ဖြည်ပေးတယ်။ ဒီတော့ ဟင်္သာမင်းက မုဆိုးကိုမေးတယ်။
“ အဆွေမုဆိုး၊ ဒီရေကန်ဟာ ဘေးမဲ့ရေကန်ဖြစ်တယ်လို့ မင်းမိန့်နဲ့
ကြွေးကြော်ထားတယ် မဟုတ်လား၊ ဘာကြောင့် ခုလိုဖမ်းရတာလဲ”
မုဆိုးကဖြေတယ်။ “ အဆွေဟင်္သာမင်းရဲ့ တရားကို အိမ်မက်ထဲမှာ နာရတဲ့
ဗာရာဏသီမင်း သံယမဘုရင်ရဲ့ မိဖုရားကြီး ခေမာဒေ၀ီက ဟင်္သာမင်းရဲ့ တရားကို နာယူလိုတယ် ပူဆာလို့
ဘုရင့်အမိန့်နဲ့ အခုလိုဖမ်းယူရတာပဲ”
ဒီတော့ ဟင်္သာမင်းက “ ဒါဖြင့် ငါ့ကိုမလွတ်ပါနဲ့၊ သယမမင်းဆီ ငါ့ကိုပို့ပါ
ပြောတော့ မုဆိုးက ဟင်္သာမင်းကို မင်းကြီးဆီ ပို့ပေးတယ်”
မင်းကြီးဆီရောက်တော့ ဟင်္သာမင်းကို ၀မ်းသာအားရ ကြိုဆိုပြီး အစားအစာ
အမျိုးမျိုးကို ရွှေခွက်မှာ ထည့်ကျွေးတယ်။ ဒီတော့ ဟင်္သာမင်းက ” မြတ်သောမင်းကြီး ကျမ်းမာပါရဲ့လား၊
နိုင်ငံမှာ ၀ပြောသာယာပါရဲ့လား”
လို့ နုတ်ဆက်လိုက်တယ်။ မင်း၊ မိဖုရား၊ မှူးမတ်တို့အလယ် မှာရှိတဲ့
ဟင်္သာမင်းဟာ မင်းကိုနုတ်ဆက်ပြီးတာနဲ့ “မှူးမတ်တို့မှာ
အပြစ်အနာ ရှိကြပါသလား၊ မင်းရဲ့ အမှုမှန်သမျှကို သက်စွန့်ကြိုးပမ်း ထမ်းဆောင်ကြပါရဲ့လား”
လို့ ဆက်ပြီးမေးတယ်။
“ ရွှေဟင်္သာမင်း … မှူးမတ်အားလုံး အပြစ်အနာမရှိကြပါ။ မင်းရဲ့အမှုမှန်သမျှ
ကို သက်စွန့်ကြိုးပမ်း ထမ်းဆောင်ကြပါတယ်“ လို့ မင်းကဖြေတော့ ရွှေဟင်္သာမင်းက ဆက်မေးပြန်တယ်။
“မြတ်သောမင်းကြီး … သားမယားတို့ဟာ မင်းကြီးရဲ့ စကားကိုနားထောင်ပါရဲ့လား၊
ချစ်ခင်ဖွယ်သော စကားကို ပြောတတ်ကြပါရဲ့လား သားသမီး အခြံအရံ စည်းစိမ်များနှင့် ပြည့်စုံပါရဲ့လား”
“ရွှေဟင်္သာမင်း .. သားမယားတို့ဟာ ကျွန်ှပ် စကားကိုနားထောင်ပြီး ချစ်ခင်ဖွယ်သော စကားကိုလည်း ပြောတတ်ကြပါတယ်၊ သားသမီးအခြံအရံ စည်းစိမ်ဥစ္စာတို့လဲ ပြည့်စုံပါတယ်”
လို့ မင်းကြီးက ဖြေတယ်၊ ဒါပေမယ့် ရွှေဟင်္သာမင်းက ထပ်မေးပြန်ပါတယ်။
“ မြတ်သောမင်းကြီး … နိုင်ငံသားများကို ကိုယ်စိတ်နှလုံး ညိုးနွမ်းဆင်းရဲအောင်
နှိပ်စက်မိပါသလား၊ နိုင်ငံမှာ ဘေးအန္တရယ်တို့ ရှိပါသလား၊ ကြီးနိုင်ငယ်ညှင်း၊ နှိပ်စက်ကလူ
မပြုမူပဲ တရားနဲ့အညီ ဆုံးမပါရဲ့လား”
”ရွှေဟင်္သာမင်း … နိုင်ငံသားများကိုလည်း ကျွန်ှပ်မညှင်းဆဲပါ၊
ဘေးအန္တရယ်တို့လဲ မရှိကြပါ၊ တရားနှင့်အညီ ဆုံးမအုပ်ချုပ်ပါတယ်” လို့ မင်းကဖြေတယ်။
“ဒါဖြင့် မြတ်သောမင်းကြီးမှာ သူတော်ကောင်းတို့နှင့် ပေါင်းဖော်ရဲ့လား၊
သူယုတ်မာတို့ကို ရှောင်ခွာပါရဲ့လား၊ ကုသိုလ်တရားတို့ကို ကျင့်ကြံအားထုတ်ပါရဲ့လား ”
လို့ ရွှေဟင်္သာမင်းက ဆက်မေးပြီးတဲ့နောက်မှာ မိဖုရားကြီး နာကြားလိုတဲ့ တရားတော်ကို ဟောကြားတယ်။
အဲဒီ တစ်နေ့နဲ့ တည ဟောပြောပြီးတဲ့ နောက်တစ်နေ့ နေထွက်လာတဲ့ အချိန်မှာတော့ ရွှေဟင်္သာမင်းနဲ့
သုမုခဟင်္သာတို့ဟာ စိတ္တကုဋ်တောင်ကို ပျံသွားကြပါတယ်။
အဲဒီအချိန်ကစပြီး ရွှေဟင်္သာမင်း( ဓတရဋ္ဌ) ကို ကြည်ညိုချစ်ခင်လေးစားတဲ့
ခေမာဒေ၀ီ မိဖုရားကြီးဟာ ရွှေဟင်္သာမင်းရဲ့ ပုံတူ ရွှေကွမ်းအုပ်တော်ကို ပြုလုပ်စေပြီး နန်းတော်ထဲမှာ အထူးအမြတ်ထားစေခဲ့တယ်။
မင်္ဂလာရှိတဲ့ အခမ်းအနားတိုင်းမှာ ရွှေဟင်္သာ ကွမ်းအုပ်ကို အဆောင်ကောင်းတစ်ခုလို မရှိမဖြစ်
အသုံးပြုခဲ့တယ်လို့ `ဇေယျသိင်္ခယာ အမတ်ကြီး`ပြုစုခဲ့တဲ့ `ရွှေဘုံနိဒါန်း` နှင့် `အသီတိနိပါတ်
မဟာဟံဇတ်တော်` မှာ မှတ်သားခဲ့ရဖူးတယ်လို့ ရှင်းပြလိုက်တော့ သူလက်ခံကျေနပ်သွားပါတယ်။
မြန်မာမှုနယ်ပယ်ထဲမှာ အဲသလို စွဲမြဲလက်ခံလာခဲ့ကြတဲ့ ရိုးရာယဉ်ကျေးမှုတွေ
အတော်များများ တွေ့ရပါတယ်။ ဤအချက်၊ ထိုအချက်များကို လက်မခံနှင့်လို့ မဝေဖန်လိုပါ၊ ကျမ်းအကိုးအကား
ရှိတာလောက်ကိုသာ တင်ပြခြင်း ဖြစ်ပါတယ်။
ကြည်ဦး
၁၉၉၈ခုနှစ်၊ ဂျွန်လထုတ် ရွှေမော်ကွန်းအမှတ်- ၁၂