ခေတ်ကြီးကိုက ပြိုင်ဆိုင်မှုတွေ များတယ်၊
တိုးတက်မှုတွေ အရှိန်အဟုန် ပြင်းပြင်း ရိုက်ခတ် နေတဲ့ ဒီနေ့ကာလမှာ သက်ရှိ သက်မဲ့တို့
စိတ်ဖိစီးမှု အာရုံတွေကို တစိတ် တဒေသ ဖြေလျော့ စေနိုင်စေတာ ဂီတလို့ဆိုယင် မှားနိုင်မယ်
မထင်ပါဘူး။
စာရေးသူတို့ ငယ်စဉ် ကတည်းက သူ့ကို
လူမမြင်ဖူးပေမဲ့ သူ့ ဂီတတွေကို ပင်နေဆိုနစ်၊ ဟီတာချီ အစပြုတဲ့ Only ကက်ဆက် Song
Box တွေက ထွက်လာတဲ့ သံစဉ်တွေနဲ့ ရင်းနှီး နေခဲ့ဖူးတယ်။ သူ့ကို စာရေးသူ အမေရိကား ရောက်ပြီး
များမကြာမီမှာ သူ ဒီနိုင်ငံမှာ အခြေကျ အနေကျ နေတာ သိလိုက်ရတော့၊ အမိမြေကို သူ စွန့်ခဲ့တဲ့
နောက်ပိုင်း မြန်မာ့ ဂီတလောက က အခြားသော အဆိုတော်တွေ၊ သူ့ သီချင်းတွေနဲ့ လူတလုံး သူတလုံး
ဖြစ်လာ ကြပြီး သူ့ကို မမီ လိုက်တဲ့ ယနေ့ခေတ်က လူငယ်တွေ သိသာစေရန် အတွက် စကားစမြည်ပြောပြီး
မေး၍ ရေးရ ပါတယ်၊ သူဟာ အမြဲတစေ အုံးအုံးကျွက်ကျွက် ဖြစ်နေတတ်တဲ့ မြန်မာ့ စတီရီယို လောက
ရဲ့ ခေတ်ဦးမှာ ထဲထဲဝင်ဝင် ပါဝင်ခဲ့ပြီး သူ့ဘဝ ကောက်ကြောင်း တွေဟာ အံ့မခန်း ဒင်းကြမ်း
ပြည့်နေတော့တယ်။ သူဆိုတာ လာရှိုး သိန်းအောင် လို့ ခေါ်တဲ့ ဂျင်မီဂျက်(Jimmy Jack )ပါ၊
သူ့ ကောက်ကြောင်းတွေ နောက်လိုက်ကြည့်ရင် ... လွတ်လပ်ရေး ရပြီးခါစ ကွန်ဗင့် ကျောင်းတွေ
ဟာ ကိုလိုနီစံနစ် အငွေ့အသက်တွေက ရိုက်ခတ် နေသေးတာရယ်၊ ခရိယာန် ဘာသာ သက်ဝင် ယုံကြည်တာရယ်
သူ့ နာမည် ဂျင်မီ သူ့အဖေ နာမည် ဂျက်(Jack) တို့နဲ့ ပေါင်းစပ်ပြီး ဂျင်မီဂျက် ဖြစ်လာ
သူပါ။ အမေရိကားမှာ နယ်တကာ ဆန့်လို့ သွားနေတဲ့ သူ့ကို အမေရိကားရောက် ပရိတ်သတ်တွေ အနေနဲ့
ထူးမဆန်းတော့ ပေမဲ့ နိုင်ငံတကာရောက် မြန်မာ့ဂီတ ပရိတ်သတ်တွေ အနေနဲ့ ပိုမို မြင်သာအောင်
ခြေခင်း လက်ခင်း သာတဲ့ တနေ့မှာ သူ့ အကြောင်းကို ခရေစေ့ တွင်းကျ စကားစမြည် ပြောဖြစ်ကြတယ်။
သူ့ အဖေ ဖြစ်သူဟာ ဗမာ့ လွတ်လပ်ရေးကို
အရယူရာမှာ ပါဝင် တိုက်ခိုက်ပေးခဲ့တဲ့ အိန္ဒိယ အမျိုးသားပါလို့ သူပြောပြတဲ့ အချိန်မှာ
ရိုးသားမှု အတိ ဝံ့ကြွားမှု အရိပ်အငွေ့တွေ သူ့ဆီမှာ ဝေ့ နေတာ တွေ့နေရတယ်။ အမေ ဖက်ကတော့
ကချင်သွေး ပါတဲ့ မြစ်ကြီးနား ဖက်ကပါ။ သူ့ ချက်မြုပ်ကလည်း ကချင်ပြည်နယ် ဗန်းမော်မြို့လို့
ဆိုပါတယ်။ အရွယ် ရောက်တော့ နမ္မတူ ကွန်ဗင့်ကျောင်းမှာ ဘော်ဒါနေရင်းနဲ့ ကွာယာ
(Choir)လို့ ခေါ်တဲ့ ဓမ္မတေးတွေ သံစုံ ကျူးရင့်တာ တွေ လိုက်ဆိုရင်းနဲ့ အဆိုပညာကို သက်ဝင်တယ်လို့
တခုတ်တရ ပြောပြပါတယ်။ နောက်ပိုင်း လာရှိုးပြန်ရောက်ပြီး ဘက်ပတစ် နှစ်ခြင်းခရိယာန် ဘုရားကျောင်းမှာ
ဓမ္မတေးတွေ သီဆို ကျူးရင့်ကာ မေမြို့ (ခ) ပြင်ဦးလွင် စိန်မိုက်ကယ်လ် ကျောင်း ရောက်တော့
ဆရာမကြီး တယောက်က သီချင်းဆိုနည်းတွေ သင်ပေးတယ်လို့ ငယ်ဘဝရဲ့ သူ့ဂီတကို ပြောပြပါတယ်။
ဒီလိုနဲ့ အရွယ်ရောက်တော့ မြန်မာပြည် စတီရီယို ခေတ်ဦးမှာ ကိုယ်တိုင် ခုတ်ထွင်း
ပြီး လုပ်ရတဲ့ အကော့စတစ် (acoustic) ဂစ်တာတွေနဲ့ ဒီကာလက လာရှိုးတခွင်မှာ ဝါသနာတူ သူငယ်ချင်း
၃၊၄ ယောက် စုပြီး မင်္ဂလာဆောင်တွေ ဧည့်ခံပွဲတွေ သူတို့တတွေ မင်းမူနေတယ်လို့ ဩဇာသံ ပါတဲ့
ရယ်သံ လွင်လွင် အသံတချို့နဲ့ သူ့ဘဝကို ထုဆစ်လို့ ပြတယ်။ ဒီလိုနဲ့ ၁၉၆၂ ခုနှစ် ရောက်တော့
သူတို့ တီးဝိုင်းက ဂစ်တာတီးတဲ့ သူငယ်ချင်း တယောက် အဆက်အသွယ်နဲ့ မြို့တော်ဟောင်း ရန်ကုန်က
မြန်မာ့အသံ ( Burma Broadcasting Service ) မှာ Local Talents Variety Show လို့ ဒေသတွင်း
လူငယ်များကို ပင်ကိုယ် အစွမ်းအစ မြှင့်တင်ပေးတဲ့ အစီစဉ်တခု ကနေ တနိုင်ငံလုံးက ဝါသနာရှင်တွေ
အတွက် ပြိုင်ပွဲလုပ်ရာမှာ သူ ဝင်ပြိုင်တော့ First Class အဆင့် A နဲ့ ပထမ ရခဲ့ပါတယ်။
အဲတာ တင်လား မဟုတ်သေး ပြန်ဖူး၊ သူ ပထမဆုံး အင်္ဂလိပ်လို ကိုယ်တိုင် စပ်ခဲ့တဲ့ သီချင်းနဲ့
ကိုယ်ပိုင် တီးဝိုင်းနဲ့ ဆုရခဲ့တာတဲ့၊ ဒီကနေ အခွင့် အလန်း ပွင့်လာပြီး မြန်မာ့အသံက
စနေနေ့ ညပိုင်းမှာ လွှင့်တဲ့ အစီစဉ်မှာ ဂျင်မီဂျက် နာမည်နဲ့ပဲ ဖျော်ဖြေခွင့် ၁၅မိနစ်ပေးတယ်လို့
သူ ပြောပြတော့ သူ့ စိတ်ကူးတွေ မြန်မာ့အသံ ရှိရာ ပြည် လမ်းမဆီ ရောက်နေ သလားလို့ သူ့
စိတ်အလျဉ် ကို စာရေးသူ လိုက်ဖတ် နေမိတော့တယ်။
နောက်တော့ ဒီအစီစဉ် အတွက် အင်္ဂလိပ်လို
ကိုယ်တိုင် ရေးဆိုနေခဲ့ပြီး တီးခတ်ပေးတဲ့ သူတွေ ကတော့ သူငယ်ချင်းတွေ ဖြစ်ပြီး နောင်တချိန်
မြန်မာ့ စတီရီယို လောကကို တခေတ် ထွန်းစေ ခဲ့သူတွေ မြန်မာပြည် သိန်းတန် (လိဒ်)၊ ဗစ်တာခင်ညို
(ရစ်သမ်)၊ ဒရမ်မာ ပလေးဘွိုင်း သန်းနိုင်တို့ ဖြစ်ကြတယ်၊ အဲလို အပါတ်စဉ် B.B.S မှာ စနေနေ့
ဆိုတဲ့ သီချင်းတွေ ကို အဲဒီ ခေတ်က ရန်ကုန်မြို့ရဲ့ သမ္မတ ရုပ်ရှင်ရုံတို့ ပလေဒီယမ်
( နောင် ပပဝင်းရုံ၊ ယခု ထရိတ်ဒါး ဟော်တယ် နေရာ ) ရုပ်ရှင်ရုံ တို့မှာ အဲဒီခေတ်က ဖွင့်လေ့
ရှိတယ်လို့ သူက ဆိုတယ်။ ဒီအချိန်မှာ အယင်လို လားရှိုးနဲ့ ရန်ကုန် ခပ်စိပ်စိပ် လွန်းထိုး
သွားမနေတော့ပဲ၊ ရန်ကုန် တဖက်ကမ်းမှာ ရှိတဲ့ ဒလ သင်္ဘောကျင်းမှာ A.E Marine
Engineering ကျောင်းလာ တက်နေတယ်လို့ ပြောပြပါတယ်။ ဒါနဲ့ အနောက်တိုင်း ဂီတ မြန်မာသံစဉ်
သီချင်းတွေကို ဘယ်တုန်းမှာ စ,ရေးစပ်ခဲ့လည်း မေးတော့ အဲဒီ ကာလမှာပဲ ရေကြောင်း အင်္ဂျင်နီယာ
ကျောင်းသား ဘဝနဲ့ ရန်ကုန်တက္ကသိုလ်ထဲ သွားယင်း လူငယ်တို့ ဘဝ ခံစားမှုတွေရပြီး သူ့ရဲ့
ပထမဆုံး မြန်မာစာသားနဲ့ ရေးတဲ့သီချင်း နာမည်ကျော် "မုန်းမုန်းမေ့မေ့" သီချင်းကို
ရင်ဘတ်နဲ့ ရင်းပြီး ကွန်ဗိုကေးရှင်း ရှေ့မှာ ရေးစပ်လို့ ရခဲ့တယ်လို့ ပြောပြပါတယ်။ အင်္ဂလိပ်လို
သီချင်းတွေ ရေးစပ်သီကုံး အဆိုများ ခဲ့တဲ့ ဂျင်မီဂျက်ကို ဒီအချိန်က အဆို လောကမှာ ဩဇာရှိတဲ့
ရေနံမြေ ဦးသက်ဝေက မြန်မာသီချင်း ဆိုတတ်ပါ သလားလို့ မေးယူရလို့ မုန်းမုန်းမေ့မေ့ ဆိုပြတော့
အံ့ဘနန်း ဖြစ်ခဲ့ရဖူးတယ် နောက်တော့ ဗွီအိုအေ ကိုပို့လို့ ဗွီအိုအေ အသံလွှင့်ဋ္ဌာန အကြိုက်
ထိပ်တန်းသီချင်း ဖြစ်ခဲ့ရတယ်။
ဂီတလောကထဲ ဘယ်လို ဝင်လာလည်း မေးပြန်တော့
ဒီအချိန် တေးဂီတ လောကမှာ ထဲထဲဝင်ဝင် ရှိနေတဲ့ အကော်ဒီယံ အုန်းကျော်ဟာ လားရှိုးမှာ
ရှေ့တန်းပြန် တပ်မတော်သား တွေကို လာရောက် ဖျော်ဖြေရင်း ဂျင်မီဂျက်ရဲ့ အမေ ဖြစ်သူက ညစာ
စားပွဲတခုမှာ အကော်ဒီယံ အုန်းကျော်နဲ့ စကားစမြည် ပြောရင်း သူ့သားလည်း သီချင်းဆို ဝါသနာ
ပါကြောင်း ပြောပြ ခဲ့တယ်လို့ နွေကျောင်းပိတ် အိမ်အပြန်မှာ သူ သိခဲ့ရတယ်။ ကျောင်းတွေဖွင့်လို့
ရန်ကုန် ပြန်ရောက်တော့ တရက်သားမှာ အကော်ဒီယံ အုန်းကျော်ဆီ သွားတွေ့မယ်ဆိုပြီး သူငယ်ချင်း
ဖြစ်တဲ့ ဗစ်တာခင်ညိုနဲ့ သွားတွေ့ပါတယ်။ အကော်ဒီယံ အုန်းကျော်နဲ့ တွေ့ပြီးတော့ အကော်ဒီယံ
အုန်းကျော် က သူ့တပည့် တယောက်ခေါ်ပြီး ဂျင်မီဂျက် ကို အသံ သွင်းပေးဖို့ ညွှန်ကြားပါတယ်။
အသံစမ်းမဲ့ ရက် ရောက်တော့ အကော်ဒီယံ အုန်းကျော် ကိုယ်တိုင် ဂျင်မီဂျက် ဆိုတာကို လာကြည့်လို့
သူတို့ ဂီတ လောကသားတွေ ပြောစမှတ် ပြုခဲ့ကြရတယ်။ ဂျင်မီဂျက်ရဲ့ ပထမဆုံး စီးရီးကို အကော်ဒီယံ
အုန်းကျော် က အခမဲ့ သွင်းပြီး ဖြန့်ချီပေးလို့ ဂျင်မီဂျက်ရဲ့ "နန်းလေး" စီးရီး
ထွက်လာပါတယ်။ အကော်ဒီယံ အုန်းကျော် ကနဦး အဲလို လုပ်ပေးခဲ့လို့ သူ့မှာ ကျေးဇူး ရှိတယ်လို့
လောကပါလ တရားကို ခိုင်ကျည်စွာ သိနေတဲ့ အသိနဲ့ ရယ်ရယ်မောမော သူ ဆက်ပြောတယ်။ ဒီအချိန်မှာ
စီးရီး တခွေလုံးကို မူပိုင် အပြတ်ရောင်းလို့ မြန်မာငွေ ၇၅ကျပ်လောက် ရယင်ပဲ ပျော်နေပြီလို့
ခေတ်ကို အရောင်ဟပ်တဲ့ စကားတွေနဲ့ ပြောပြပြန်တယ်။ အခုခေတ် စကားနဲ့ ပြောရယင် အခွေပေါက်တယ်ပေါ့...ဗျာ။
အဲဒီလိုနဲ့ မြန်မာပြည် စတီရီယို ခေတ်ဦးမှာ တေးဂီတ လောကထဲကို ကော်ပီ မဟုတ်ပဲ ကိုယ်ပိုင်သံစဉ်တွေ
ရေးစပ် ဆိုခဲ့သူ တဦးအဖြစ် ဂျင်မီဂျက် (ခေါ်) လားရှိုး သိန်းအောင် တယောက် ပထမဆုံး အပါအဝင်
မှတ်ကျောက်တင် ဖြစ်ခဲ့ရတယ်။
အိုးလ်မော်ဒယ်ကြီး အခုမှတ်မိ သလောက်
ဒီခေတ်က ဘယ်သူတွေ စတီရီယိုတေးတွေ စပြီးဆိုနေလည်း မေးတော့ တကယ်တန်း စ,တာက ရုပ်ရှင်မင်းသား
ဝင်းဦး၊ ညွန့်ဝင်းတို့ ပါခဲ့ပြီး၊ မောင်မောင်သန်း ( တိမ်ပြာသောနေ့ )၊ ကြည်တိုး၊ ဆန်နီတင်ထွဋ်၊ မေမြို့
ခင်မောင်မြင့် တို့လည်း စဆိုနေပြီး ပြီးဖြစ်ကြောင်း မြန်မာ့ စတီရီယို သမိုင်းကို တူးဆွပြီး
ပြောပါတယ်။ တချိန်ထဲမှာလည်း မြန်မာ့အသံမှာ ကိုအံ့ကြီး၊ အကော်ဒီယံ အုန်းကျော် တို့လည်း
သီဆိုနေပြီး ဂျင်မီဂျက် အနေနဲ့ ထိုသူတွေသာ မြန်မာ့ စတီရီယို လောကကို စတင် ခဲ့တယ်လို့
ထင်မြင်ယူဆကြောင်း ပြောပါတယ်။ တကယ် အနောက်တိုင်း သီချင်းတွေကို စတာက ပြည် လှဖေတို့
ခေတ်ကတည်းက စတင်နေကြောင်း ဖြည့်စွက် ပြောပြန်ပါတယ်။
သူ့ထက်အယင် တက္ကသိုလ် ထွန်းနောင် သူနဲ့ခေတ်ပြိုင်
မင်းမင်းလတ် (ရက်ပ်ပါ အနဂ္ဂ၏ အဖေ)၊ တက္ကသိုလ် အေးမောင် (ပလေးဘွိုင်း)၊ ပုလဲ (ပလေးဘွိုင်း
သန်းနိုင်၏ ဇနီး) တို့ တေးစီးရီးတွေ ထွက်လာပြီး ပလေးဘွိုင်းသန်းနိုင် ကတော့ ပလေယာ ဒရမ်မာ
အဖြစ်နဲ့သာ နေပြီး တပုဒ်စ နှစ်ပုဒ်စ သာ ဆိုနေကြောင်း ပြောပြပါတယ်။ စီးရီးထုတ်တိုင်း
ကုန်ကျ စရိတ်တွေ ကိုတော့ လားရှိုးမှာ နေထိုင်တဲ့ အမေဖြစ်သူထံ ပြန်ပြန် တောင်းပြီး အခွေတွေ
ထုတ်နေတဲ့ လားရှိုးသိန်းအောင် ပါလို့ အရွှန်းဖေါက်ပြီး ဆိုတယ်။ နည်းပညာ ဖွံ့ဖြိုးမှု မရှိသေးတဲ့
ဒီခေတ်က အခုခေတ်လို Track လိုင်းတွေ အများကြီးနဲ့ အသံသွင်း အသံထပ်ပြီး အခွေလုပ်ယူတာ
မဟုတ်တော့ အသံသွင်းပြီ ဆိုလည်း တခါထဲ ပြိုင်တူတီး ပြိုင်တူ အသံဖမ်းရလို့ ဦးဘသိန်း အသံဖမ်း
စတူဒီယိုမှာ ဘတ်(စ်)ကားလိုင်းတွေ ရပ်သွားတဲ့ ည၈နာရီ လောက်မှာ မှန်တံခါးတွေကို ခြုံစောင်
တွေနဲ့ကာ တခါထဲ ညီအောင်တိုက်၊ တခါထဲတီး၊ တပြိုင်ထဲ ဆို၊ အသံဖမ်း ကြရတာလို့ ပြောပြပါတယ်။
အဲဒီခေတ်က စီးရီးခွေတွေကို တေးသံသွင်း တွေက သူနဲ့ အချိတ်အဆက်ရှိတဲ့ နယ်ဖေါက်သည် ဆိုင်တွေနဲ့
စပ်မေးပြီး စီးရီးတန်ဖိုး ဖြတ်ဝယ်လေ့ ရှိတယ် လို့ ဆိုတယ်၊ အခုခေတ်လို တပြည်လုံး အတွက်
မူပိုင် ရောင်းတာတော့ မဟုတ်ဖူးပေါ့။ များသော အားဖြင့် သူ့ စီးရီး အခွေတွေကို ဒီအချိန်
မန္တလေးက တေးသံသွင်း လုပ်ငန်း လုပ်တဲ့ စော်ဘွား သား တဦးဖြစ်တဲ့ ဘော်ဘီအောင် ဆီမှာ ရောင်းချခဲ့တာ
များတယ်လို့ နောက်ကြောင်း ပြန်ပြောင်း ပြောပြ ပါတယ်။
စတီရီယို လောကမှာ လျှံလျှံတောက် အောင်မြင်လာတော့
ဂျင်မီဂျက် (ခေါ်) လားရှိုး သိန်းအောင် တယောက် ပျောက် သွားတာ ဘာကြောင့်လည်း မေးတော့ ပုလဲသီ
တကွဲစီ ဖြစ်နေတဲ့ စကားဝိုင်းကို စီစီရီရီ လုပ်ကာ တချိန်ထဲမှာ ဖြစ်ပျက်နေတဲ့ သူ့ ဘဝ
အရွှေ့အပြောင်း တွေကို ပြန်ချပြပါတယ်။ လားရှိုးနဲ့ ရန်ကုန် ဦးဒဟို သွားလာနေချိန်မှာပဲ
တဖက်က လားရှိုးမှာ ဂျင်မီဂျက် တယောက် ကာကွယ်ရေး တပ်ဖွဲ့ တွေထဲ ဝင်ထားသတဲ့။ ဒါဆို ဘယ်လို
နိုင်ငံရေးကို စပြီး စိတ်ဝင်စား လာတာလဲ ဖေါက်မေးပြန်တော့ သူ ဟိုက်စကူး ကျောင်းသားဘဝမှာ
လာရှိုး ရပ်ကွက် (၂)က အ.ထ.က (၂) တက်နေတုန်း၊ တခါသားမှာ ကျောင်းမှာ ကြေညာသတဲ့၊ ဒီခေတ်
က နိုင်ငံတော်ကို အာဏာသိမ်းထားတဲ့ ဗိုလ်ချုပ်ကြီးနေဝင်း အိမ်စောင့် အစိုးရက ဦးနုရဲ့
ပါလီမန် ဒီမိုကရေစီ စံနစ်ကို မယုံကြည်တော့ဖူးလို့ ဆိုတယ်၊ ပြီးတော့ ဆိုရှယ်လစ်စံနစ်နဲ့
ဆက်လက် ချီတက်မယ် ဆိုကာ ကျောင်းသားတွေကို အခုခေတ် ကြံ့ဖွတ် ပါတီလိုပဲ ခုတုံးလုပ် အားဖြည့်
ခေါ်ကာ လူထု ရှုတ်ချပွဲ လုပ်သတဲ့၊ ဒီတင် ဂျင်မီဂျက် က စဉ်းစားမိပြီး ဒီမိုကရေစီသာ ဆိတ်သုဉ်း
ယင် ဆိုတဲ့ အတွေးနဲ့ မထောက်ခံဖူး ဆိုကာ၊ ခေါင်းထဲ အတွေးများစွာနဲ့ သူတယောက်ထဲ ကျောင်းက
အပြန် ခေါင်းငိုက်စိုက် ချပြီး အိမ်ပြန်လာခဲ့ သတဲ့။ ဒီအချိန် လွတ်လပ်ရေးရပြီးစ ဦးနုရဲ့
ပါလီမန် ဒီမိုကရေစီ ပါတီက တိုင်းပြည်အုပ်ချုပ်နေပြီး နယ်ခြားတွေဖြစ်တဲ့ ရှမ်းပြည်မှာ
လောဝ်စစ်ဟန် ကာကွယ်ရေး၊ ခွန်ဆာ ဦးဆောင်တဲ့ ကာကွယ်ရေး အဖွဲ့တွေရှိနေပြီး၊ ဂျင်မီဂျက်
ကတော့ ဝင်းမြင့်၊ ထွန်မြင့် တို့ရဲ့ လွိုင်ကျေးစန့် ကာကွယ်ရေး အဖွဲ့မှာ ပါခဲ့တယ်လို့
ဆိုတယ်။ ၁၉၆၂ မတ်လမှာ အိမ်စောင့် အစိုးရလုပ်နေတဲ့ ဗိုလ်နေဝင်းက အာဏာ အပြီးအပြတ်သိမ်းပြီး၊
၁၉၇၂ခုနှစ် ရောက်တော့ ခြေကုတ်ရလာတဲ့ ဗိုလ်ချုပ်နေဝင်း စစ်အစိုးရက ကာကွယ်ရေးတွေ လက်နက်ချခိုင်း
ချိန်မှာ စစ်အစိုးရ လက်အောက် ထက်စာယင် ဒီမိုကရေစီ ဒို့တိုင်းပြည်မှာ ထူထောင်နိုင်ဖို့
ဂျင်မီဂျက် တယောက် လက်နက် မချပဲ တောင်ပေါ် တက်သွားခဲ့တယ်လို့ ဆိုပါတယ်။
လကို နှစ်စားကာ သျှမ်းပြည် နယ်ခြားမျဉ်း
တလျှောက် ကူးလူးနေခဲ့ပြီး နောင် ယိုးဒယားဖက် ခြေကုတ်ယူတော့ ကေအိုင်အေ က ဥက္ကဋ္ဌ ဘရန်ဆိုင်းတို့
ထိုင်း အခြေစိုက် ခေတ်ပြိုင် သတင်းစာ ထူထောင်သူ ဦးတင်မောင်ဝင်း၊ ဦးရဲကျော်သူ (ပြည်ချစ်)၊
ညောင်ရွှေ စော်ဘွား စပ်ရွှေသိုက်သား ဒေါက်တာ ယူဂျင်းသိုက်(သျှမ်း) တို့နဲ့ အတူ ဒီမိုကရေစီ
အရေး လှုပ်ရှားခဲ့သေးတယ်။ ဒါပေမဲ့ အခုချိန် မှာတော့ သူနဲ့ နိုင်ငံရေးဖက်မှာ ခေတ်ပြိုင်
ဒီမိုကရေစီ ဘက်တော်သား ခေါင်းဆောင်အချို့တို့ဟာ လူ့လောကမှာ မရှိကြတော့ပါဖူး။ ဒါပေမဲ့
သူ ကတော့ ခိုင်ကျည် တဲ့ စိတ်ဓါတ်နဲ့ ရွက်ကုန်ဖွင့် ခရီးနှင်ကာ တေးသီနေဆဲပါ။ ရိုးသားတယ်၊
ယဉ်ကျေး သိမ်မွေ့တယ်၊ ကြီးငယ် မဟူ အပြောအဆို ချိုသာတယ်၊ မာန်မာန အလျဉ်းကင်းမဲ့ တယ်
ဆိုတာ တွေကတော့ သူနဲ့ ဆက်ဆံဖူးကြသူတိုင်း သိကြပါတဲ့ သူ့ရဲ့ ဂုဏ်ဒြပ်တွေပါ။ ပဆစ်ကွက်
တွေလို အရောင်စုံလှတဲ့ တေးသီငှက်ကြီး ဘဝဟာ ၁၉၇၂ ခုနှစ် အမိ မြန်မာပြည်က ထွက်လာတော့
ဂီတလောကမှာ သူနာမည် မရသေးပါဖူး တောထဲတောင်ထဲ ရောက်တော့ သူ့ သီချင်းတွေ နားထောင်နေတယ်
ဆိုတာ ဟိုဟိုဒီဒီများမှာ တွေ့ရတာတော့ သူ ဒီလောက်ပဲ သိရတယ်လို့ ကျန်ခဲ့တဲ့ သူ့ဂီတလောက
အကြောင်း ဆိုပါတယ်။ သူ့သီချင်းတွေ ပြည်တွင်းမှာ ကျွတ်ကျွတ်ဆူအောင် ပေါက် ခဲ့တာ အဲဒီ
အရသာတွေ သူ မခံစားလိုက်ရပါဖူး။ သူ ထဲထဲဝင်ဝင် အောင်မြင်တယ်ဆိုတာ တခါသား ယိုးဒယားနိုင်ငံ
ရောက်တော့ ပြည်တွင်းလာတဲ့က မိတ်ဆွေတဦးနဲ့ တွေ့တော့ သူ မြန်မာပြည်မှာ အောင်မြင်နေတာကို
ပြောပြတော့ မချင့်မရဲ ယုံကြည် နေမိကြောင်း၊ မျက်ဝါးထင်ထင် လက်ခံရတာကတော့ ၁၉၇၄ခုနှစ်
ဗဟိုအစိုးရရဲ့ လက်ခံမှုနဲ့ အမေရိကန် ပြည်ထောင်စု ရောက်တဲ့အချိန်မှာ လော့(စ်) အိန်ဂျလိ(စ်)
မှာ ရှိတဲ့ မြန်မာပြည်ဖွား ဆရာဝန်များက စီစဉ်လို့ လုပ်ပေးတဲ့ သူ့ရဲ့ တကိုယ်တော် ရှိုးပွဲဟာ
အမေရိကား တလွှားက မြန်မာတွေ သောသောညံအောင် အားပေးခဲ့လို့ ဂျင်မီဂျက် (ခေါ်) လာရှိုးသိန်းအောင်
မြန်မာ့ စတီရီယို ခေတ်ဦး ကိုယ်ပိုင်သံစဉ် တေးဂီတမှာ သူအောင်မြင်ပြီး တကယ်မှတ်တိုင်တွေ
စိုက်ထူနိုင်ခဲ့တယ် ဆိုတာ မချင့်မရဲ ဖြစ်နေတဲ့စိတ်ကို ဒုံးဒုံးချပြီ ယုံကြည်နိုင်ခဲ့တယ်လို့
အဝေးကို ဝေသီလို့ တခုတ်တရ ကြည့်နေတဲ့ မျက်လုံးတွေနဲ့ သူက ဆိုပါတယ်။
အမေရိကား ရောက်တာ ၃၅နှစ်ကျော် ကြာပြီ
ဖြစ်တဲ့ လာရှိုးကြီးရဲ့ ကိုယ်ပိုင်ဘဝက ဘယ်လို ထုဆစ်ထားလဲ မေးတော့ သူ အမေရိကားက မီချီဂန်သူနဲ့
အကြောင်းပါပြီး သား ၂ယောက် သမီးတယောက်ရှိကြောင်း သမီးက အကြီးဖြစ်ပြီး အသက် ၂၅နှစ် အရွယ်ရှိပြီ
ဖြစ်ကာ အမေရိကား တက္ကသိုလ်များမှာ ဘွဲ့ ၂ခု ရထားကြောင်း၊ အဖေ့သွေးပါလို့ စန္ဒယား၊ ဂစ်တာ
တို့ကို ကျွမ်းကျင်စွာ တီးခတ်နိုင်ပါတယ်လို့ သိရပါတယ်။ ကောလိပ်သွားဖို့ ချိန်နေတဲ့
ဒုတိယ သားအလတ် ကတော့ ကိုယ်ပိုင် ရော့ခ်တေးဂီတ တီးဝိုင်းရှိပြီး ဂစ်တာတီးကာ အဖေဖြစ်သူ
အတွက် လော့(စ်)အိန်ဂျလိ(စ်) ပွဲတပွဲ လိုက်တီး ပေးဖူးပြီး နောင်မှာ လားရှိုးကြီးရဲ့ ဂီတခရီးစဉ်
တလွှားမှာ အဖေနဲ့အတူ ပါဝင် တီးခတ်တော့မယ်လို့ သိရှိရပါတယ်။ အငယ်ဆုံးဖြစ်တဲ့ သားကတော့
တေးဂီတ ဝါသနာ မပါဖူးလို့ ဆိုပြန်တယ်။ ဂျင်မီဂျက်ဟာ အမေရိကား အခြေချပြီ ဆိုကတည်းက တက္ကဆတ်
ပြည်နယ် ဟူစတန် ဒီတမြို့ထဲမှာပဲ နေ နေတာပဲ နှစ်ပေါင်း မနည်းတော့ဖူးလို့ မိသားစု ဘဝတွေကို
ပြောပြပါတယ်။ ကန်းထရီး သီချင်းတွေ အဆိုကောင်းတဲ့ လားရှိုးက သီချင်းငှက်ကြီးကို ဘားတွေ
နိုက်ကလပ်တွေမှာ မဆိုဖူးလား ? ဆိုတော့ လူလွတ် ဘဝ ကတော့ ဆိုကြောင်း အိမ်ထောင်ကျတော့
ဘားတွေ နိုက်ကလပ်တွေမှာ ဆိုယင် ရောင်းသူနဲ့ ဝယ်သူ ဆက်ဆံရေး အရ အိမ်ထောင်ရေး အဖုအထစ်
ဖြစ်မှာ စိုးလို့ မဆိုဖို့ ဆုံးဖြတ်ခဲ့တယ် လို့ ပြောပြပါတယ်။
သူ ဘယ်လောက် သီချင်း အဆိုကောင်းလဲ
ဆိုယင် အမေရိကား မလာခင် ယိုးဒယားက ချင်းမိုင်(ဇင်းမယ်) နိုက်ကလပ် တခုမှာ အင်္ဂလိပ် သီချင်းတွေ
ဆိုတော့ အခု ထိုင်းနိုင်ငံရဲ့ ဘုရင် ရာမ(၉)၊ ဘူမိဘော အဒူယာဒက် ရဲ့ မိဖုရား သိရိခေတ်
ကိုယ်တိုင် အငယ်ဆုံး သမီးတော် နဲ့ ချိန်းဂျင်းဟော်တယ် နိုက်ကလပ်မှာ လာရောက်အားပေးလို့
သမီးတော်က တောင်းဆိုတာနဲ့ လေယာဉ်ပျက်ကျ လို့ သေဆုံးသွားတဲ့ အဆိုတော် ဂျွန်ဒင်းဗါးရဲ့
နာမည်ကျော် Country Road သီချင်းကို ဆိုပြခဲ့ဖူးပါတယ်။ ဒီလောက်ပဲလား ဘယ်ဟုတ်မလဲ အစမှာ
ဆိုထားသလို သူ့ ဘဝ ကောက်ကြောင်း တွေက နားထောင်နေသူ အတွက်တော့ ထူးဆန်းတာတွေ ရောပြွမ်းနေတာ
အပြည့်ပါပဲ၊ အယင် အမေရိကန် သမ္မတ ဂျော့ရ်ှဒဘလျူ ဘုရှ် ရဲ့ အဖေ ( George Herbert
Walker Bush သမ္မတ ဘုရှ် အကြီး ) ရဲ့ Surprise ပါတီတခု ဖျော်ဖြေမှုမှာ သူ (ဂျင်မီဂျက်)
ဆိုအပြီး နောင် သမ္မတ ဖြစ်လာမဲ့ အမတ်မင်း ဘုရှ် အကြီးက ခေါ်မေး အပြီး "အတော်ထူးတဲ့
ကောင်" လို့ မှတ်ချက်ပြုခဲ့သတဲ့။ သြော် .... ထူးတာက အဲဒီနေ့ ဩဂက်(စ်) လ ၁၆ရက်နေ့
၁၉၇၇ ခုနှစ်ပေါ့၊ သူနေတဲ့ တက္ကဆတ်ပြည်နယ်နဲ့ သိပ်မဝေးလှတဲ့ တင်နဆီ ပြည်နယ် မင်းဖိ(စ်)
မြို့မှာ ရော့ခ်အင်ရိုး ဘုရင်ကြီး အဲဗစ်ပရက်စလေ ဂရေ့(စ်)လန်း စံအိမ်ကြီးရဲ့ ရေချိုးကန်ထဲမှာ
သေနေခဲ့တယ်လေ။
အသော့ ပြောတဲ့နေရာမှာလဲ စံပါပဲ။ ကိုဂျင်မီ
က တရုတ် သီချင်းတွေလဲ ဆိုတယ် ဆိုတော့ ဒီလောက်ပဲ ပြောရသေးတယ် သူက "ကျနော်က တရုတ်လို
မပီကလာ ပီကလာနဲ့ ဆိုတာဗျ" ... "လူပျို ဘဝက လားရှိုးမှာ လောဝ်စစ်ဟန် တူမကို
လိုက်ခဲ့ တုန်းက အမွေတွေ ပေါ့ဗျာ" တဲ့။
အမေရိကား ရောက်တော့လည်း ဘုန်းတော်ကြီးကျောင်းတို့
ကွန်မြူနတီတို့ ရံပုံငွေ ပွဲတွေ အခုထိ လိုက်ဆိုနေဆဲပဲ ဒီရောက် ပြီးတော့ အခွေကို အိမ်မှာပဲ
စီစဉ် ပြန်သွင်းတာ ၂ခွေ၊ ၃ခွေလောက် ထုတ်ဖြစ်သေးတယ်။ အင်္ဂလိပ်လို ပဲ ကန်းထရီးတွေ ဆိုထားတာတွေလဲ
ရှိတယ်။ အရှိန်အဝါ ကြီးမားလှတဲ့ သူ့ရဲ့ သီချင်း "အမေတခု. သားတခု" ကို ဘယ်လိုစပ်
ဆိုခဲ့လဲ ပြောတော့ ဘာသာတရား ကိုင်းရှိုင်းတဲ့ သီချင်းငှက်ကြီးက ယုံချင်ယုံ မယုံချင်
နေဆိုပြီး သူ့ ကို မယ်တော် က စောင့်ရှောက်ကြောင်း ငယ်စဉ်က သူ့ ဒယ်ဒီ ပြောလို့ သိခဲ့ရတယ်လို့
ဆိုတယ်။ တစုံတခု ကျရောက် တော့မယ်ဆို နံ့သာဖြူ အနံ့ ရကြောင်း ဒီလိုနဲ့ ဘဝမှာ အန္တရာယ်တွေက
ရှောင်ကွင်းလာခဲ့ ရကြောင်း ပြောပါတယ်။ ဒါကြောင့် ဒီသီချင်းကို မယ်တော်ကြီး အတွက် ရည်စူးပြီး
စပ်ခဲ့လို့ ဒီသီချင်းဟာ ခေတ်အဆက်ဆက် အရှိန်အဝါ ရှိခဲ့တာလို့ ဆိုပါတယ်။ သူ့ သီချင်းတွေ
အားလုံးကို စီပြီး ကြည့်လိုက်ယင် သူ့ဘဝ ဇါတ်လမ်း တခုကို ပြောပြနေသလို ခံစားရပါတယ်။
သီချင်းကိုတော့ ခံစားချက် ရှိယင်ရှိသလို ရေးခဲ့ပြီး သေခြာ ထိုင်ပြီးရေးကာ လုပ်ယူတာမျိုး
မရှိဖူးလို့ ဆိုပါတယ်။ သူ့ သီချင်းတွေ သူများတွေ ဆိုနေတာ ဘာ အကျိုးခံစားမှု ရှိလဲ? မေးတော့
သူ့မှာ သီချင်းတွေကို ဘောင် မခတ်ထားကြောင်း အခုခေတ် လူငယ်တွေ ပြန်ဆိုကြတာ ပြန်တီးကြတာတွေ
ကောင်းကြောင်းသာ မှတ်ချက်ပြုပါတယ်။ ပြီးတော့ အတန်ငယ် နှုတ်ဆိတ်သွားပြီး ကျယ်ကျယ်ပြန့်ပြန့်
ရှိတော့ ပိုကောင်းတာပေါ့ ဗျာလို့ သဘောထား ကြီးစွာဆိုပါတယ်။
နောက်တခုက ကိုယ့်နာမည် သီချင်းမှာ
ပြန်ထည့်ဆိုတာမျိုး လုပ်ခဲ့တာ မြန်မာပြည်မှာ သူ အစောဆုံးလောက် ဖြစ်နိုင်ပါသေးတယ်၊
"လားရှိုး က ....သီချင်းဆိုတဲ့ ....သိန်းအောင်ပါ" ဆိုတာ မျိုးပေါ့။ ဘယ်သီချင်း
အကြိုက်ဆုံးလဲ ဆိုတော့ ပြည်တွင်းမှာ အောင်မြင်ခဲ့တဲ့ သီချင်းတွေဟာ များလို့ အကြိုက်ချင်း
မတူလို့ ကွဲလွဲနိုင်ပါတယ်လို့ ဆိုတယ်။ နောက်ပိုင်း ဂီတ ကိစ္စတွေ မေးပြန်တော့
..... အမိမြေကို စွန့်ခွာလာချိန်မှာ ကာကွယ်ရေးထဲ အရောက် တန့်ယန်း နဲ့ မိုင်၂၀ လောက်ဝေးတဲ့
စခန်းအကြောင်းကို ဖွဲ့ဆိုတဲ့ သူ့သီချင်း "အမှတ် (၁၂) ထင်းရူးတောင်" သီချင်းဟာ
နောက်ပိုင်း ပြည်ပမှာ အောင်မြင်သလို၊ အမေရိကား ရောက်ပြီးမှ ရေးတဲ့ သီချင်းများ ထဲမှာ
"အိမ်" ၊ "ဒို့ပြေ, ဒို့မြေ" ၊ "စိမ်းကားတဲ့ အချစ်"၊
"ယိုဒယား စကား မတတ်ဖူး" တို့ အောင်မြင်ပါတယ် ဆိုတယ်။ မြန်မာတေးဂီတ လောက က
လူငယ်တွေကို ဘာပြောချင်လည်း ? မေးတော့ ရေစီးကြောင်း အရ ပြောင်းလဲမှုကို နားလည်ပါတယ်။
ရက်(ပ်) ဆိုလည်း ရက်(ပ်)၊ ပေါ့(ပ်) ဆိုလည်း ပေါ့(ပ်) ဟီရိဩတ္တပ တရားလက်ကိုင် ထားပြီး
မောင်နှမ သားချင်းများ ဝိုင်းစုလို့ နားထောင်ရနိုင်မဲ့ သီချင်းများ ရေးကြဆိုကြဖို့
တိုက်တွန်း ပြောပါတယ်။ တိုင်းပြည် အတွက်ကိုတော့ ဒီမိုကရေစီ စံနစ်နဲ့သာ လျော်ညီကြောင်း၊
တိုင်းပြည်ကို ချစ်လို့ အမေရိကန် နိုင်ငံသား အဖြစ် ခံယူခွင့် တောင် မလျှောက်ပဲနေ နေကြောင်း
ပြောပါတယ်။
သူ့ ရင်ထဲ အခု လတ်တလော ဘာတွေရှိမလဲ
ညစ်ထုတ်ကြည့်တဲ့ အခါ " မြန်မာပြည်က ရွာတွေမှာ ရွာဦးထိပ်က သဲခု ထားတဲ့ သောက်ရေအိုးစင်
က ရေ အေးအေးလေးသာ သောက်ချင် နေမိကြောင်း"
" တိုင်းပြည်ကသာ ထွက်လာခဲ့ပေမဲ့
တိုင်းပြည်ကို မမေ့ကြောင်း " သူ ပြောကြား လိုက်ချိန်ဟာ သူရော စာရေးသူရော ဘာမှ
စကား မဆက်နိုင်ကြတော့ပဲ တဆစ်ဆစ်နဲ့ အိမ်ပြန်ချင်တဲ့ အတွေး ကိုယ်စီနဲ့ပေါ့။
ဒီအချိန် ဆတ်ကနဲ မျက်နှာလွဲလို့ တက္ကဆတ်
ကောင်းကင်ယံကို ကြည့်လိုက်တော့ မိုးစွေငှက် တချို့ဟာ အမြင့်ကိုသာ ဆန်လို့ ပျံနေကြဆဲလေ။
ဒူကဘာ
ဒီဇိုင်း သိန်းလှိုင်(လှိုင်းဘွဲ့)
ရွှေမော်ကွန်း၊၊ ၂၀၁၁၊မတ်လ
အယ်ဒီတာမှတ်ချက်
ဒူကဘာလို့ ပြောလိုက်ရင် ဘလော့ဂ်စာဖတ်သူတွေ
တော်တော်များများ သိကြမှာပါ။ ဒူကဘာက သူရေးတဲ့ စာတွေကို “ချစ်တဲ့မနောမြေဘလော့ဂ်”ဆိုပြီး
ဖွင့်လှစ်ပြီး ရင်ဘတ်ထဲက အနုပညာတွေကို ဘလော့ဂ်စာမျက်ပေါ်မှာ ခင်းကျင်းပြသသူ၊ ကျွန်တော် “လူထုအသံ
အွန်လိုင်းဂျာနယ်”ဆိုတာကို စလုပ်တော့ ဒူကဘာက အယ်ဒီတာချုပ်အဖြစ်ပါ တာဝန်ယူလုပ်ဆောင်ပေးခဲ့တယ်။
လူထုအသံလုပ်ဖြစ်တာက ကျွန်တော်တို့ ရင်ထဲက ဖြစ်တည်လာတဲ့ အနုပညာတွေနဲ့ မိတ်ဆွေ ဘလော့ဂ်ဂါတွေရဲ့
ရင်တွင်းက ဖြစ်ပေါ်လာတဲ့ ခံစားမူစာစုတွေကို စီးဆင်းစေမယ့် မြစ်တစ်စင်းလို့ပြောရင်လည်းမှန်မယ်၊
လူထုအသံအွန်လိုင်းဂျာနယ် ဖြစ်ပေါ်ပြီး ခြောက်လလောက်မှာ အကြောင်းအမျိုးမျိုးကြောင့် ကျွန်တော်ကျောခိုင်းခဲ့ပေမယ့်
ဒူကဘာကတော့ အယ်ဒီတာချုပ်အဖြစ်ရော ချစ်တဲ့မနောမြေ ဘလော့ဂ်ရဲ့ အရှင်သခင်အဖြစ်နဲ့ပါ သူရင်ဘတ်တွေထဲက
စီးဆင်းလာတဲ့ အနုပညာတွေကို ဆက်လက်ခင်းကျင်းပြသနေခဲ့တယ်။ ပြီးခဲ့တဲ့ နှစ်က၊ ဒူကဘာ ကျန်းမာရေးဆိုးရွားမူတွေကြောင့်၊
ဆေးရုံတက်ကုသခံနေရတဲ့ အချိန်လောက်မှာပဲ၊ သူ့ဘလော့ဂ်ကို တစ်စုံတစ်ဦးက ဖျက်ဆီးလိုက်တာကို
ခံလိုက်ရတယ်။ ၀ါသနာအရ၊ မအားလပ်တဲ့အချိန်လေးအတွင်းထဲက လူငယ်တွေကို အသိပညာနဲ့ ဗဟုသုတတွေ
တိုးပွားစေလိုတဲ့ စေတနာ၊ သူဖန်တီးထားတဲ့ အနုပညာစာစုတွေ အားလုံးဖျက်ဆီးခံလိုက်ရတဲ့ အချိန်၊
သူဘယ်လောက်ထိ ခံစားရမလည်းဆိုတာ မေးကြည့်စရာမလိုအောင်ပါဘဲ။
ကျမ်းမာရေးကြောင့်ရော စိတ်ဓာတ်ကျဆင်းမူတွေကြောင့်ပါ
သူ့စာအသစ်တွေ ထွက်ရှိမလာတော့ သူချစ်တဲ့ လူထုအသံ ကိုလည်း ကျောခိုင်းလို့ ဒူကဘာရဲ့အနုပညာမြစ်တစ်စင်းက
စီးဆင်းနေတဲ့ အသံတွေက အခုချိန်မှာ တိတ်ဆိတ်လွန်းလှတယ်။ အဲဒီ တိတ်ဆိတ်ခြောက်သွေ့နေတဲ့
မြစ်တစ်စင်းထဲက အနုပညာအခင်းအကျင်း အပိုင်းအစတစ်ချို့ကို ရွှေမော်ကွန်းမှာ ပြန်လည်အသက်သွင်းလို့
စာဖတ်သူတွေ လက်ထဲအရောက် ပို့ဆောင်ပေးလိုက်ပါတယ်။ ဒူကဘာဆိုတဲ့ မြစ်တစ်စင်း အသွင်မပြတ်တဲ့
ချစ်ခြင်းအနုပညာတွေ လတ်ဆတ်တဲ့ ကောင်းကင်အသစ်အောက်မှာ လွတ်လပ်စွာ ပြန်လည်စီးဆင်းလာမယ့်
တစ်နေ့ …. အဲဒီတစ်နေ့ကျရင်တော့ လတ်ဆတ်တဲ့ အနုပညာတွေကို ပြန်လည်ခင်းကျင်းပြသလိမ့်အုံးမယ်လို့
မျော်လင့်လျှက်…… ။
ကမာနီလာ
ရွှေမော်ကွန်း
(တာဝန်ခံအယ်ဒီတာ)
